Category: tamil katturai APJ arul

வள்ளலார் எதை புதியதாக, தனியாக, சிறப்பாக, பொதுவாக சொன்னார்கள்? –: ஏபிஜெ அருள்.
வெளிப்படுத்திய கடவுள்கள் ஒவ்வொரு சமய,மத,மார்க்கங்களில் வேறுப்பட்டியிருந்தாலும்,
எல்லா சமய,மத,மார்க்கங்களும் நல்லதையே போதித்து எல்லாம் வல்ல அவரவர் இறைவனையே துதிக்கின்றன. 
இந்நிலையில் வள்ளலார் எதை புதியதாக, தனியாக, சிறப்பாக, பொதுவாக சொன்னார்கள்?
அதாவது இதுவரை வெளிப்பட்ட உயர்ந்த கொள்கையானது எதுவெனில் எனப் பார்க்கவும் போது,
‌” பிறருக்கு துன்பம் கொடுக்காமலும், பிறர் செய்யின் பொறுத்து சகித்து அடங்கி இருப்பது” எனலாம்.
இங்கு சிந்தித்து பாருங்கள். இந்த நல்ல நெறியை விட மேலாக என்ன சொல்ல முடியும்?
ஆம், வள்ளலாருக்கு முன்பு வரை சமய,மதங்களில் வெளிப்பட்ட கருத்து சாரம் இதுவே.
வள்ளலார் இந்த கருத்தை விட மேன்மையான ஒன்றை, தன் கடவுள் கொள்கையில் வெளிப்படுத்தினார்கள்.
அது என்ன?
அதாவது வெளிப்பட்டியிருந்த சமய மார்க்கங்களின் இயல்புகள் கொல்லாமை,பொறுமை,சாந்தம், அடக்கம், இந்திரிய நிக்கிரகம், ஜீவகாருண்யம் எனலாம். 
இதே போல் மதங்களில் கடவுளுக்கு அடிமையாதல், புத்திரனாக, சிநேகிதனாக முடிவாக கடவுளே தானாக பாவித்தல்.
ஆனால் இந்த இயல்புகளை விட (அனுபவங்களை விட) உயர்வானதை வள்ளலார் சுத்த சன்மார்க்கத்தில் வெளிப்படுத்தினார்கள்.
அது என்ன?
அன்பர்களே!
சன்மார்க்கத்தில் /இறை நம்பிக்கையில் வள்ளலார் வெளிப்படுத்தியது :;
” உண்மை அறிதல்”
அதாவது;
நம் நிலை என்ன? என்பது போன்ற (நான் யார்?) விசாரத்தை சமயமதங்களில் காணலாம். ஆனால் வள்ளலார் செய்ய சொல்லும் நல்ல விசாரணை::
“நம் நிலை என்ன? நமக்கு மேல் நம்மை அனுஷ்டிக்கும் தெய்வத்தின் நிலை என்ன? “
ஆம், இங்கு வழிபாடே நல்ல விசாரணையே;
அது;
கடவுள் நிலை காண்பதே!
ஆம், 
உண்மை கடவுள் யார்?
அக்கடவுளின் நிலை என்ன?
என விசாரிக்க சொல்கிறார்.
என் மார்க்கம் “உண்மை அறியும் மார்க்கம்” என்கிறார் வள்ளலார்.
ஆக,
# கடவுளின் முழு சொரூபத்தை உள்ளத்திலே கண்டு களித்து,
# உண்மை அனைத்தும் ஆண்டவரால் உணர்த்தப்பட்டு,
# அக்கடவுள் அருளால் மரணம் தவிர்த்து, பேரின்ப பெருவாழ்வில் வாழ ஆசைப்படுதல்”.

இந்த “ஆசை உண்டேல்” 
வம்மீன் என அழைக்கிறார்
வள்ளலார்.
“சாகாதவனே சுத்த சன்மார்க்கி” என்று குறிப்பிடுகிறார்கள்.

ஆக,
உண்மை அறிதல்,
சாகாவரம் பெறுதல்,
இந்த இரண்டும் முறையே, நெறியாக, அருளாக, கண்டு, பெற்று வெளிப்படுத்தினார் வள்ளலார்.
இந்த புதிய தனி நெறி சுத்த சன்மார்க்கம் எனப்படும்.
மேலும்,
உலகில் வெளிப்பட்டுள்ள அனைத்து சமயமத மார்க்கங்களின் நெறிகள் (கடவுள் யார் என்பதிலும், வடிவம்,எண்ணிக்கை, சாதனம், வழிபாடு..) ஒன்றோடு ஒன்று வேறுப்பட்டு உள்ளதை மறுக்க முடியாது.
ஆனால் வள்ளலாரின் சுத்த சன்மார்க்க நெறி எல்லா சமயங்களுக்கும், எல்லா மதங்களுக்கும்,
எல்லா மார்க்கங்களுக்கும்
உண்மை பொது நெறியாக உள்ளது.
மற்ற சன்மார்க்கத்தோடு ஒப்பிடும் போது;
” அல்லாதனவன்றி இல்லாதவனல்ல”
மேலும்
“முன்னே தோன்றிய சன்மார்க்கங்கள் யாவும் அநந்நியம் (அந்நியமல்ல)” என்கிறார் வள்ளலார்.

‌முன்னே சமயமதங்களில் தவம்,மூச்சு பயிற்சி,மந்திர தந்திரம்,யோகம்,விரதம் முதலியவைகளால் சித்திகள் அடைந்து, அதன் பயனாக நீடுழி (பல நூறு வருடங்கள்) வாழும் சித்தி பெற்று, முடிவில் ஒடுங்கி ஒழியும் நிலையாகிய. முக்தி,சமாதியே முடிவாக கருதப்பட்டு, பெறமுடிந்தது. 
இந்த பயன் பூரண சித்தியாகாது எனவும், உண்மை ஆண்டவனின் அருள் இதுவல்ல எனவும் வள்ளலாரின் அறிவு விசாரம் செய்தது. பூரண சித்தியை பெற முடியாத இந்த சமய மதத்தின் மீது பற்றை விட்டு விட்டு, 
சமய மதங்கள் முடிவாக சொன்ன “உணர்ந்து ஓதுவதற்கு அரியவன்” ஆகிய இறைவனிடமே சரண் அடைந்து, எந்தவொரு சாதனமும் இல்லாமல், ஓர் உண்மை கடவுள் உண்டென்றும் உண்மை அன்பால் கருத்தில் கருதி வழிபாடு செய்தார்.உண்மை கடவுளின் நிலை காண ஆசை கொண்டு, நினைந்து,உணர்ந்து,நெகிழ்ந்து அன்பினால் கண்ணீர் பெருகி வேண்டி பணிந்து நின்றார்.
(இங்கு வள்ளலார் தகுதி ஒழுங்களுடன், எந்தவொரு வெளிப்பட்ட கடவுள் மற்றும் நெறியை கருதாது, கற்றுக்கொண்ட வேத ஆகம சாத்திரக் கல்வியை கைவிட்டு, உண்மை அனைத்தும் உண்மை கடவுளே உரைக்க கூடும் என்ற சத்தியம் தெரிந்து, மேலும், கடவுள் அருளால் அவத்தைகள் நீக்கி மரணமில்லா பெருவாழ்வை பெறும் லட்சியத்தில் ஆசை வைத்திருந்தார் வள்ளலார்).
இங்ஙனம்,
புதியதாகவும், தனிநெறியாகவும், சிறப்பாகவும் மற்றும்
எல்லா சமயங்களுக்கும், 
எல்லா மதங்களுக்கும்,
எல்லா மார்க்கங்களுக்கும் 
உண்மை பொது நெறியாக வள்ளலார் இராமலிங்க அடிகளார் கண்ட “சுத்த சன்மார்க்க நெறி” விளங்குகிறது.
அன்புடன் 
ஏபிஜெ அருள்,
கருணை சபை சாலை.
நல்ல விசாரணை செய்த உங்களுக்கு நன்றி.

படியுங்கள்,உண்மை தெரிய வரும்.இது சத்தியம். இன்று திருஅறை தரிசனம். இதே நாளில் வள்ளலார் என்ன சொன்னார்கள்?– ஏபிஜெ அருள்.
அதிசயம் நடந்த நாள்.
எவரும் பெற்றிராத பேறு.
என்ன அதிசயம்?
எத்தகைய பேறு?
என்றால்; 
திருவருட் பிரகாச வள்ளலார் சுத்த சன்மார்க்க நெறி வழியில் கடவுள் அருளை 12/04/1871 ல் பெற்றார்கள். 
இங்கு வள்ளலார் பெற்ற “கடவுள் அருள்” என்பது;
மற்ற சமயமத மார்க்கங்களில் கிடைக்கக் கூடிய/கிடைத்த பயன் போன்றது அல்ல. 
வள்ளலார் பெற்ற பேறு “ஒளி தேகம் – தனி வடிவம்” ஆகும்.
இது இறைவனால் “சாகா கல்வி” போதிக்கப்பட்டு, சாகாவரத்தில் கொடுக்கப்படும் வலமான வாழ்வாகிய “மரணமில்லா
பேரின்ப பெருவாழ்வு”என்கிறார் வள்ளலார்.
12/04/1871ல் சுத்த சன்மார்க்க வழியில், உண்மை கடவுளை, தனி வெளியில் கண்டு, கடவுள் அருளால் சாகா கல்வி அறிந்து, பேரின்பத்தை அனுபவித்ததினால் அவர் தேகம் ஒளியாகி தனி வடிவத்தில் மாறியது. 
“தனி வெளியில்” இந்த சாகாவரத்தை வள்ளலார் பெறுவதற்கு காரணமாக இருந்த “தகுதி” என்ன தெரியுமா?
உண்மை கடவுளிடம், அவர் வேண்டியதை நாம் தெரிந்துக் கொள்வதின் மூலம், வள்ளலார் பெற்றியிருந்த தகுதியை நாம் அறியலாம். 
இதோ வள்ளலார் இறைவனிடம் முறையிட்டது;
“எனக்கு கிடைத்த இந்த பேறு இவ்வுலகத்தார் பெறுதல் வேண்டும்” என வேண்டினார். 
இதுவே ஆன்ம நேய ஒருமை பாட்டுரிமை. 
இதுவே பொது நோக்கம். 
இதுவே சுத்தசன்மார்க்கத்தின் “ஞான ஆசாரம்” ஆகும்.
இறைவன் வள்ளலாரின் வேண்டுதலை ஏற்றார்.
கடவுள் வள்ளலாரிடம்;
” இப்பேறு பெறும் இந்த 
பொது வழியை,
நீயே இவ்வுலகத்தார்களிடம் விளக்கிச் சொல்ல செல்க! 
எனவே மீண்டும் நம் வெளிக்கே வள்ளலாரை அனுப்பி வைத்தார் ஆண்டவர். 
(இதைத் தான் உண்மை கடவுளால் “வருவிக்கவுற்றேன் என்கிறார் வள்ளலார் என்று அறிக).
வள்ளலார், தன் ஒளிதேகத்தை,
நம் பார்வையிலிருந்து மறைத்துக் கொண்டு 2 1/2 இரண்டரை வருடமாக நமக்கு சுத்த சன்மார்க்க உண்மையை, ஒழுக்கத்தை சொல்லிக்கொண்டு வந்தார்கள். இதை பேருபதேசத்திலும், 12/04/1871 கடித அறிவிப்பிலும் தெளிவாக சொல்லியுள்ளார்கள்.
மேலும்,
30/01/1874 லும், அதாவது திருஅறை காப்பிட்டுக் கொள்ளும் முந்தின இரவில் (12 மணிக்கு முன்பு )அறைக்குள் செல்லும் முன்பு நம்மிடம் முக்கியமாக ஒன்றை பதிவு செய்கிறார்கள். அதை இங்கு காண்போம். –அன்புடன் ஏபிஜெ அருள், கருணை சபை சாலை, மதுரை.

வள்ளலாரின் சத்திய வாக்கியம் அப்படியே தரப்பட்டுள்ளது.

(சுத்த சன்மார்க்க ஒழுக்கம் என்பது; )
” …இங்கிருக்கின்ற ஒன்றையும் பொருளாகக் கொள்ளாதீர்கள்; எல்லாப் பற்றுக்களுக்கும் காரணமான ஆசார வகைகளை விட்டுத் தலைவனையே தொழுவீர்கள் ,
என்ற திருவார்த்தை யதனால் தலைவனைத் தொழுவதே தொழிலாக வுடையது கடமை.”
(இங்கு வள்ளலார் விடச்சொல்லும் ஆசாரங்கள் எவை?)
அவர் நமக்கு ஏற்கனவே உபதேசித்து உள்ளார்கள்.
அவையாவன: 
(எதற்காக இந்த ஆசாரங்களை விட வேண்டும்?)
இதோ வள்ளலாரே சொல்கிறார்கள்;
“இந்த ஆசாரங்ககள் தயவை விருத்தி செய்வதற்குத் தடையாய் இருக்கின்றன” என்கிறார்.
(” தயவு” விருத்தி ஏன் பண்ண வேண்டும்?)
இதோ வள்ளலாரே சொல்கிறார்கள்;
“தயவு தான் என்னை ஏறா நிலை மேல் ஏற்றியது. தயவால் தான் பொது நோக்கம் பெற்றேன். பொது நோக்கமே சுத்த சன்மார்க்க ஞான ஆசாரம்” என்கிறார்கள்.
(பொது நோக்கம் ஏன் வருவித்துக் கொள்ள வேண்டும்?)
இதோ வள்ளலாரே சொல்கிறார்கள்;
“காருண்ணியம் விருத்தியாகி கடவுள் அருளைப் பெற்று அனந்த சித்தி வல்லபங்களைப் பெறமுடியுமே அன்றி வேறு வகையில் பெறுதல் கூடாது (முடியாது).” என்கிறார் வள்ளலார்.
இரண்டரை வருடத்திற்கும் மேல் ஒளி தேகத்தை மறைத்துக் கொண்டு நம்மோடு இருந்து, தனக்கு உண்மை கடவுள் நிலை காண உதவிய வழியை (சுத்த சன்மார்க்கத்தை) உபதேசித்து வந்த வள்ளலார். அதாவது,
( 12/4/1871 பிறகு)
உபதேசித்தும், விண்ணப்பங்கள் நான்கிலும்,திரு அகவலிலும் விளக்கி உள்ளார்கள். சத்திய ஞான சபை கட்டி அதன் மூலம் விளக்கியும் உள்ளார்கள்.
(ஆறாம் திருமுறை) பாடல்களில் அனுபவமான, சாகாவரத்தின் இன்பத்தை பதிவு செய்துள்ளார்கள். ஆனால் இந்த உண்மை அறியும் ஆவலோ, அறிவோ அன்று உலகத்தார்களிடம் இல்லை. காரணம் 1) சாதிசமயமத கட்டுப்பாட்டு ஆசாரங்கள் ஆதிக்கம்.
2) வள்ளலார் வெளிப்படுத்திய மார்க்கம் புதியது, தனி தன்மை கொண்டது.
தான் சென்ற புதிய,தனி வழியை மக்கள் பொது வழியாகவும் உண்மை வழியாகவும் தெரிந்துக் கொள்ள காலம் தேவைப்படும் விசயத்தை உணர்ந்தார் வள்ளலார். அன்று
அவரை சுற்றியிருந்தவர்கள் எவருமே தான் சொல்லிய உண்மையை தெரிந்து கொள்ளவில்லை என்று 22/10/1873லும், 30/01/1874லும், பல பாசுரப்பாடலிலும் பதிவு செய்து உள்ளார் வள்ளலார்.
22/10/1873 ல் சொன்னது;
”உண்மை சொல்ல வந்தனனே என்று உண்மை சொல்லப் புகுந்தாலும் தெரிந்துக் கொள்வாரில்லை”
மேலும் 30/01/1874ல் பதிவு செய்கிறார்கள்.
அதுவும் இதோ;
” இதுகாறும் என்னொடு நீங்கள் பழகியும் சன்மார்க்க ஒழுக்கம் இன்னதென்று தெரிந்து கொள்ளவில்லை.”
அன்பர்களே!
அன்று இருந்தவர்கள் அப்படி…
இன்று நாம்…. எப்படி?
அன்பர்களே!
நான் இன்று இப்படி…

திருவருட் பிரகாச வள்ளலாரே!
சுத்த ஞானியரே!
இன்று நான் 
அன்று நீங்கள் சொல்லிய

#சுத்த சன்மார்க்க உண்மையை தெரிந்துக் கொண்டேன்.
# ஆசாரங்களை விட்டொழித்தேன்.
# பொது நோக்கம் வருவித்துக் கொண்டேன்.
# இடைவிடாது கருணை நன்முயற்சியில் இருப்பேன்.
இது சத்தியம்
இது சத்தியம்
இது சத்தியம்.
சுத்தஞானியாரே!
தனி வடிவம் பெற்றவரே!
திருவருட் பிரகாச வள்ளலாரே!
# தயவை விரைந்து விருத்தியாக்கி, உண்மை கடவுள் அருள் பெற, என்னுள் நீங்கள் இருந்து, 
என் உள்ளத்திலே உண்மை ஆண்டவர் வெளிப்பட்டு,எனக்கு உண்மை (சாகா கல்வி) விளக்க, நீங்கள் உதவி புரிந்திட வேணுமாய் பணிவுடன் வேண்டுகிறேன். 
நீங்கள் சொன்ன உண்மையை நான் இன்று தெரிந்துக் கொண்டதை போல், இவ்வுலகத்தார்களும் தெரிந்துக் கொள்ள வேண்டுகிறேன்.
அன்புடன் பணிவுடன்;
ஏபிஜெ அருள்.

அன்பர்களே!
தகுதியாக்கி கொண்ட நமக்கு,
நம்முள் உண்மை கடவுள் வெளிப்பட்டு விளங்க, எல்லா வகையிலும் உதவிட வள்ளலார் தோன்றுவது சத்தியம்.

அன்பர்களே!
உண்மை தெரிந்து கொண்டவர்கள்,
உண்மை தெரிந்துக் கொண்டேன் என்று இங்கு சத்தியமாக 
(comments ல்) பதிவிடுங்கள்.

நம்முள் உண்மை வெளிப்பட எல்லா வகையிலும் உதவிட வள்ளலார் தோன்றுவது சத்தியம். இதை
மற்றவர்களுக்கும் தெரியப்படுத்த ஷேர் செய்யுங்கள்.

உண்மை தெரிந்துக் கொண்டவர்கள், வடக்கு திசையில் இருந்து, தென் திசை முகம் கொண்டு,
நம் அகத்திலே உள்ளழுந்தி,சிந்தித்து, 
சிந்தித்தலை விசாரித்து, சாகாக் கலையை பெறுகிறதற்கு, கண்ணீர் விட்டு, உண்மை கடவுள் நிலை காண நன்முறையில் இடைவிடாது இருப்போம். நம்முள் உள்ளொளி ஓங்கி பேரின்ப பெருவாழ்வை பெறுவோம்.

(ஆசையும்,நன்முயற்சியும் நம்மிடம் விரைந்து தோன்ற நான்கு விண்ணப்பங்களையும், பேருபதேசத்தையும் மீண்டும் மீண்டும் ஊன்றி வாசிக்க வேண்டும்.
“நினைந்து..நினைந்து..” எனத் தொடக்கமுடைய 28 பாசுரப் பாடல்களில் கண்டப்படி தெய்வபாவனையை சித்தி வளாக தீபத்தில் செய்யுங்கள் என்கிறார் வள்ளலார்.
(வடலூர் வரதாவர்கள் நம்மூர் சபை அல்லது நம் வீட்டு தீபத்தில் செய்யுங்கள் உண்மை தெரியும் வரை.) 
இவண்:-கருணைசபை, மதுரை.
வணக்கம். —- ஏபிஜெ அருள்
948768314/ 9487417834/ apjarul1@gmail.com.

வள்ளுவரும் – வள்ளலாரும்.உண்மையும் சாகா நிலையும்.  — ஏபிஜெ அருள்.

ஆம்,வள்ளுவர் சொன்னார்,வள்ளலார் செய்து முடித்தார்.
  வள்ளலார் சமயத்தில் இருக்கின்ற போதே திருக்குறள் வகுப்பு எடுத்தார்கள். வள்ளலாரை போல் எந்தொரு சமயமத ஞானி, யோகி எவரும் திருக்கறள் வகுப்பு எடுத்தது கிடையாது.  இரக்கம்,புலால் உண்ணாமை,ஒழுக்கம் இவை குறித்த உண்மைகளை வள்ளுவர் சொன்னது மட்டிலுமா வள்ளலார் வகுப்பு எடுத்தார்கள். இதோ வள்ளலார் சொல்கிறார்கள்:(தேவர் குறளில் சாகாகல்வி)வேதங்கள் முக்கியம் சாகாதகல்வியைச் சொல்லியிருக்கின்றன. தேவர் குறளில் முதல் அதிகாரத்தில் ‘சாகாத கல்வியைக்’ குறித்துச் சொல்லியிருக்கிறது. அதைத் தக்க ஆசிரியர் மூலமாய்த் தெரிந்து கொள்ளலாம்.சன்மார்க்கத்தின் முடிபு சாகாத கல்வியைத் தெரிவிப்பதேயன்றி வேறில்லை. சாகிறவன் சன்மார்க்க நிலையைப் பெற்றவனல்லன். சாகாதவனே சன்மார்க்கி என்கிறார்கள் வள்ளலார்.

சாகாகல்வி என்றால்,,,???நிற்க!இது உண்மையா ? இது சாத்தியமா ? என்று ஒரு பக்கம் சந்தேகம் உங்களுக்கு இருந்தாலும் மேற்படியாக சொன்ன ஒரே மார்க்கம் வள்ளலாரின் மார்க்கமே.சாகா கல்வியை இறைவனே தனக்கு உரைத்தார் என்றும், அப்பயனை தான் பெற்றதாக சொல்லுகிறார் வள்ளலார். மேலும் எல்லோரும் பெறுவதாகவும் உள்ளது என்கிறார்கள். இந்த உண்மையை ஆன்ம நேய ஒருமைப் பாட்டுரிமையால் தெரிவித்தேன் என்கிறார்கள்-மேலும் வள்ளலார் கூறுகையில்; தேவர் குறளில் முதல் அதிகாரத்தில் சாகாத கல்வியைக் குறித்துச் சொல்லியிக்கின்றது- அதை தக்க ஆசிரியர் மூலமாய்த் தெரிந்து கொள்ளலாம்- என்கிறார்கள்திருவள்ளுவர் எழுதியது திருக்குறள் என எல்லோரும் அறிவோம்-நிற்க! திருவள்ளுவரின் கடவுள் வாழ்த்து பாடல்களில்;குறள்

3:“ நிலமிசை நீடுவாழ் வார் ” (குறள்: மலர்மிசை ஏகினான் மாணடி சேர்ந்தார் நிலமிசை நீடுவாழ் வார்)குறள்

4:”வேண்டுதல் வேண்டாமை இலான் அடி சேர்ந்தார்க்கு யாண்டும் இடும்பை இல”இதில் இடும்பை என்பது துன்பங்கள் எனப்படும்- சமய சான்றோர்கள் துன்பம் என்றால் பிறவித் துன்பங்கள் என்பர்-ஆனால் துன்பங்களில் பெரிய துன்பம் மரணம் தானே! இறைவனின் அருள் பெற்றவர்க்கு மரணம் என்ற துன்பம் கிடையாது என திருவள்ளுவர் சொல்லியுள்ளார்கள் என ஏன் சொல்லக் கூடாது-குறள்

6:பொறிவாயில் ஜந்தவித்தான் பொய்தீர் ஒழுக்க நெறி நின்றார் நீடுவாழ் வார்குறள்

8: ”அறவாழி அந்தணன் தாள் சேர்ந்தார்க் கல்லால்பிறவாழி நீந்தல் அரிது”இதில் “பிற ஆழி நீந்தல் = பிறவாகிய கடல்களை நீந்தல், அரிதுகுறள்

10:”பிறவிப் பெருங்கடல் நீந்துவர் நீந்தார் இறைவன் அடிசேரா தார்”நிற்க!மேலே நாம் கண்ட குறள்களில்;“பிறவி கடல்” “ நீடுவாழ் வார்” “இடும்பை இல” என கண்டோம்-இதற்கு தக்க ஆசிரியர் மூலமாய் தெரிந்து கொள்ளலாம் என்ற வள்ளலாரின் வார்த்தை நினைவில் கொள்ள வேண்டும்-ஆனால்; 

ஆனால் திருவள்ளுவர் திருக்குறளை தவிர வேறு பல நூலையும் எழுதியுள்ளார்-திருவள்ளுவ நாயனார் திருக்குறள் தவிர அருளிய நூல்கள்;-ஞான வெட்டியான்-பஞ்ச ரத்தினம்- நவரத்தின சிந்தாமணி-கற்ப நூல் – குரு நூல் – சர நூல்-முப்பு (சூத்திர)இதில் “ஞான வெட்டியான் – 1500″/ ல்;

பாடல் 8 ;

தசநாடி சுவாசமதுஞ் ஜெனித்த வாறுஞ்ஜெகதலத்தி லெனைப்பழித்த செய்திவாறும்அசைவதிருந் தாக்கையசை யாதவாறுமடி நடுவு முடிவான கற்ப வாறும்பசைந்தமண்ணீ ருப்புவுவ ரெடுத்த வாறும்பஞ்சபட்சி யஞ்சு நிலைத் திருந்த வாறும்இசையுந்தச தீட்சைமதி ரவியின் வாறுமிராஜயோ கத்தினருள் காப்புத் தானே

-(மேற்படி பாடலில் அசைவதிருந் தாக்கையசை யாதவாறு என்பது;இந்தத் தேகத்தை அழியாமலிருத்தி வைக்கத் தக்க —- மார்க்கத்தை)

அடுத்த பாடல் 9;

யோகாதி யோக நிலைத் திருந்த பேர்க்குமுற்பன்மாங் கற்பமுண்டு சாவாப் போக்கும்வேகாத் தலையுமதி ரவியின் போக்கும்வெண்சாரை கரு நெல்லி விதித்த போக்கும்போகாப்புனலுஞ் சவர்க்காரப் பூ நீர்ப் போக்கும்பூதலமெ லாமகிழும் பொருளின் போக்கும்ஆகாத மணிதர்களை யகற்றும் போக்குமசடில்லா மாதுரச குளிகை காப்பாம்(இங்கு; சாவைப் போக்கும் வேகாத் தலை, போகாப்புனல், உள்ளது-வள்ளலார் சொல்வது; சாகாத்தலை, வேகாக்கால்,போகாப்புனல் இம்மூன்றும் சாகாத கல்வியைத் தெரிவிக்கும் என்று சொன்னதை நினைவில் கொள்க)

அடுத்த பாடலில் 11;”—-உயிருமுடல் நிலைத்திடவு பாயஞ் சொன்னாள்”ஆக; வள்ளலார் சொன்ன சாகாகல்வி ஏற்கனவே திருவள்ளுவ நாயனார் அருளிச் செய்த “ ஞான் வெட்டியான்” ல் சொல்லப்பட்டுள்ளது-அதன் பின்பு சமய,மத,வேதங்கள்,புராணங்கள்,இதிகாசங்கள் இவையின் தோன்றலால், ஆதிக்கத்தால் மேற்படி ”சாகாகல்வி” மறைக்கப்பட்டு, பூட்டப்பட்டு விட்டிருந்தது-வள்ளலாரின் சத்திய அறிவால் இடைவிடாத கருணை முயற்சியின் பயனால் இறையருளால் அக்கல்வி வெளிப்பட்டுள்ளது- அக்கல்வியால் மரணத்தை வென்ற முதல் சுத்த ஞானியே நம் வள்ளலார்- அவர் பெற்ற பயனை நாமும் பெறலாம் எனச் சத்தியம் செய்து சொல்கிறார்கள்-நிற்க!ஆனால் வள்ளுவர்க்கும் வள்ளலாருக்கும் இடைப்பட்ட காலத்தில் தோன்றிய சமயங்களில், மதங்களில் மார்க்கங்களில் கடவுள் அருளால் நீடுழி வாழலாம் என்றும், சாமாதியடைதல் முக்தியடைதல் மீண்டும் பிறவாதிருத்தல் இவையே கடவுள் அருள் என சொல்லப்பட்டுள்ளது-இங்ஙனமாக கொள்கையை கொண்ட சமயத்தில் மதத்தில் பற்று வைத்தால் பற்று வைத்தவர்களால் அச்சமய, மத கட்டுப்பாட்டை மீறி எப்படி சிந்திக்க முடியும்- மரணத்தை ஒத்துக்கொண்டவர்கள் எங்ஙனம் சாகாகல்வி குறித்து விசாரிப்பார்கள்? ஆச்சாரங்களை கைக்கொண்டவர்களிடத்தில் கருணை விருத்தியாகாது என்ற உண்மையையும் வள்ளலார் கண்டு வெளிப்படுத்தி உள்ளார்கள்-எனவே, அன்பர்கள் சிறிது சிந்திக்கவேண்டும்-சரியோ, தப்போ,இயலுமோ, இயலாதோ,இங்ஙனம், அதாவது, சாகா கல்வியே வள்ளலார் மார்க்க நெறியாக சொல்லப்பட்டுள்ளது- சாகாகல்வி குறித்து பல பாடல்கள், உபதேசங்கள் வள்ளலார் செய்துள்ளார்கள்-தான் கொண்டியிருந்த சமயப் பற்றை கைவிட்டு விட்டு ஒரு புதிய தனி மார்க்கத்தை வள்ளலார் கண்டார்-அம்மார்க்கத்திற்கு எக்காலத்தும் முக்கிய தடையாக சமயம் ,மதம், மார்க்கங்களை அறிவித்து உள்ளார் என்று சொல்வது தானே சரியாகும்- நியாயம் ஆகும்-இது தானே உண்மை.சாகா கல்வியின்  உண்மைப் பொருளை வள்ளுவர் வெளிப்படுத்தினார்.உண்மை பொருளை கருத்தில் கொண்டுசாகாவரம் பெற, சாதனமாக “இரக்கம்” மட்டுமே கைக்கொண்டு மரணமில்லா பெருவாழ்வை பெற்றவர் வள்ளலாரே. மனிதர் எல்லோரும் கடவுள் அருளால் சாகாமல் இருக்கலாம் என்கிறார் வள்ளலார்.”வள்ளலாரின் வழியில்” இடைவிடாது நன்முயற்சியில் நாமும் சாகாமல் இருக்கலாம் என்ற நம்பிக்கையுடன் முயற்சிப்போம்.

நன்றி :: ஏபிஜெ அருள்

திருவள்ளுவர் ஆண்டு 2050.
திருவள்ளுவர் தினம் 16-01-2019.

திருவள்ளுவ நாயனார் “திருக்குறள்” தவிர அருளிய நூல்கள்;
-ஞான வெட்டியான்
-பஞ்ச ரத்தினம்
– நவரத்தின சிந்தாமணி
-கற்ப நூல் – குரு நூல் – சர நூல்
-முப்பு (சூத்திர).

வள்ளலார் 19 நூற்றாண்டில் தன் சுத்த சன்மார்க்கம் என்பது இறப்பை ஒழிக்கும் மார்க்கம் என்கிறார்.
என் மார்க்கத்தில் சாகா கல்வியை தவிர வேறு ஒன்றுமில்லை என்கிறார் வள்ளலார்.
சாகா கல்வி குறித்து ஒருவாறு தேவர் குறளில் சொல்லப்பட்டுள்ளது என்கிறார் வள்ளலார்.
ஆம்,
திருவள்ளுவர் எழுதிய “ஞான வெட்டியான்” நூலில் சாகா கலை குறித்து உள்ளது. வள்ளுவர் தெரியப்படுத்திய சாகா கல்வி உண்மையை நல்விசாரணை செய்து இறையருளால் மரணமில்லா பெருவாழ்வை பெற்றவர் வள்ளலாரே.
நாமும் பெறுவதற்கு யாதொரு தடையுமில்லை என்கிறார்கள்.

நமது நாட்டில் எந்தவொரு சமயமதங்களும் திருக்குறளை எடுத்திடாத காலக்கட்டத்தில் வள்ளலார் ஒருவரே தனது நிலையத்தில் திருக்குறள் வகுப்பு நடத்தினார்கள்.

எவர் ஒருவர் ஒழுக்கத்தையும் இறைஉண்மையும் தெரிய அறிய அனுபவிக்க ஆசைப்படுகிறார்களோ அவர்கள் வள்ளுவரையும் வள்ளலாரையும் தெரிந்துக் கொள்ள வேண்டும்.
ஊர்தோறும் வள்ளுவர் வள்ளலார் மன்றம் ஆரம்பிக்க வேண்டும்.
அன்புடன்:
ஏபிஜெ அருள்,
நிறுவநர் – வள்ளுவர் வள்ளலார் மன்றம்.

பொங்கலோ… பொங்கல். சுத்த சன்மார்க்கப் பொங்கல் பொங்கட்டும் — ஏபிஜெ அருள் (2019).

பொய்யை விட்டு ஒழிக்கும்
போகி நாள்.
உண்மை வெளிப்பட்டு பொங்கும் பொங்கல் நாள்.

பொய்யான சாதிகளும்,
கற்பனையான சமயங்களும்,
நம்மிடமிருந்து ஒழிக்கப்பட்டு,
மெய்யான சுத்த சன்மார்க்கமும்,
உண்மை கடவுளின் அருளும்
வந்து சேர்க்கும் “தை”யே வருக!

தென் மொழி தமிழ் காட்டும்
தெய்வம் ஒன்றே அது இயற்கையே!
இயற்கையை வழிபடும் 
இன்ப பொதுத் திருநாளே வருக!

இயற்கையின் உண்மை, விளக்கம் இன்பம் இவை பூரணம் இறைவன்.
இந்த உண்மை கடவுளை காட்டும்
தமிழே..வாழ்க! தையே… வருக!

“தை” யில் தைரியம் பிறக்கும்,
பயம் பூஜ்யமானது.
பொதுவுடமை சுத்த சன்மார்க்கப்
பொங்கல் பொங்கியது.

சாதிசமயமத குலமரபுதேச சாத்திர ஆசாரங்களை விட்டொழித்து,
போகி நாளை கொண்டாடுவோம்.
பொதுநோக்கம் இரக்கம் அன்பு
உள்ளத்துப் பானையிலிட்டு,
பொங்கல் நாளை கொண்டாடுவோம்.

உண்மை உரைக்கும் “தமிழ்”
உண்மை கடவுள் “இயற்கை”
உண்மை காட்டியவர் “வள்ளலார்”
உண்மை இன்பம் “தைப்பொங்கல்”.

நன்றி:: ஏபிஜெ அருள்.

இவண்:: கருணை சபை சாலை.
apjarul1@gmail.com
www.atruegod.org

2019 உண்மை வெளிப்படும் ஆண்டு. 
2019 நன்முயற்சி தரும் ஆண்டு.
2019 உண்மை கடவுளின் அருள் பெறும் ஆண்டு. –. ஏபிஜெ அருள்.
இங்கு,
உண்மை கடவுள் யார் என்றால்,
இதற்கு முன் சமய மத சாத்திர புராணங்களில் வந்ததாகச் சொல்லப்பட்ட
எல்லா மூர்த்திகளும்,
எல்லாத் தேவர்களும்,
எல்லாக் கடவுளரும்,
எல்லாத் தலைவர்களும்,
எல்லா யோகிகளும்,
எல்லா ஞானிகளும்,
தங்கள் தங்கள் அநுபவங்களைக் குறித்து எழுந்து அருளுகின்ற தனித்தலைமைப் பெரும்பதி.
அன்பர்களே!
இந்த பதியே உண்மை கடவுள்.
இந்த பதியின் அருளைத் தான் வள்ளலார் பெற்றார்கள்.நாமும் பெறுவதற்கு யாதொரு தடையுமில்லை என்கிறார்கள்.
அன்பர்களே!
இன்று நாம் கடவுளாக வணங்கப் படுபவர்கள் யார் யார் என்று சிறிது யோசியுங்கள். (கண்டிப்பாக யோசிக்க வேண்டும் என வேண்டுகிறோம்).
மேலே குறிப்பிட்ட உண்மைப் பதியை கண்டு அருள் பெற தவம்,யோகம் எனப் பல வழிகளில் முயற்ச்சித்தவர்களையே (அதாவது யோகிகள்,ஞானிகள், அடியார்கள்) கடவுளாக்கி விட்டோம். அடுத்து
சமயங்களில், கடவுளாக நமக்கு காட்டப்பட்டவை எவை?
சமயங்களில் கடவுளாக காட்டப்பட்டியிருப்பது அனைத்துமே நமது “பிண்ட லட்சணங்களே” என அறிதல் வேண்டும். அதாவது தத்துவ சம்மாரங்கள் ஆகும்.
ஆம், இதுவே சத்தியம், உண்மை.
இந்த உண்மையை தெரிந்துக் கொள்ள நேரம் இல்லாமல் மிகப் பெரிய அறிவாளிகள்,முதலாளிகள், உழைப்பாளிகள், இவர்கள் முதல் சாதரணவர்கள் வரை உண்மை கடவுளை வணங்காது, கடவுளின் அருளால் ஒளிப்பெற்று விளங்கும் தத்துவங்களை வணங்குவதால், அத்தத்துவங்களின் அளவு வரை மட்டுமே உண்மையும் சக்தியும் இவர்கள் பெற முடியுமே அன்றி, பூரண சித்தியை பெற முடியாது என்கிறார் வள்ளலார்.
கொஞ்சமாவது யோசிக்க வேண்டாமா?
கொஞ்சமாவது ஆசைப்பட வேண்டாமா?
கொஞ்சமாவது முயற்ச்சிக்க வேண்டாமா?
உண்மை கடவுளை தேடிய மகான்களை தொடர்ந்து நாம் செல்லாமல், அந்த மகான்களையே கடவுளாக வணங்குவது……?
உண்மை கடவுளின் அருள் ஒளியால் தோன்றிய இந்த பிரபஞ்சத்தில், நமது உடலில் உள்ள தோற்றங்களையே கடவுளாக பாவித்து வணங்குவது…..?
எந்தவிதத்தில் இது அறிவுடைமை ஆகும்? எனக்கேட்கிறார் வள்ளலார்.
அதனால் தான் தன் மார்க்கம் “சுத்த சன்மார்க்கம்” உண்மை அறியும் அறிவு மார்க்கம் என்கிறார்.
எனவே,
உண்மை கடவுள் யார்?
அக்கடவுளின் நிலை என்ன?
அருள் பெறும் வழி என்ன?
என ஆசைக் கொண்டோர்களை வாரீர்..வாரீர்… என அழைக்கிறார்
திருவருட் பிரகாச வள்ளலார்.
உண்மை கடவுளை நான் தெரிந்தேன். அறிந்தேன்.
அனுபவித்தேன்.
அருளால் அவத்தைகளை நீக்கி பேரின்ப பெருவாழ்வை பெற்றேன்.
இது சத்தியம். இது சத்தியம்.
நீங்கள் எல்லோரும் பெறுவதற்கு யாதொரு தடையுமில்லை. இது சத்தியம்.இது சத்தியம் என்கிறார் வள்ளலார்.
2019 உண்மை வெளிப்படும் ஆண்டு. 
2019 நன்முயற்சி தரும் ஆண்டு.
2019 உண்மை கடவுளின் அருள் தரும் ஆண்டாக அமைய எல்லாம் வல்ல உண்மை பதியே உங்களை பணிந்து வணங்குகிறேன்.
திருவருட் பிரகாச வள்ளலாரே!
சுத்த ஞானியே!
உங்கள் வழியில் நன்முயற்சியில் செல்லும் என்னை வழிநடத்தி விலகாது நின்று உண்மை அறிய துணை புரிய வேண்டுகிறேன். 
வந்தனம்.வந்தனம்.
நன்றி: ஏபிஜெ அருள்.

“ஆன்மா” என்பது யாது? 
— ஏபிஜெ அருள்
( வள்ளலார் சத்திய வார்த்தைகள் உள்ளது உள்ளபடி /அடிப்படையில் )
“ஆன்மா” பற்றி உபதேசக் குறிப்புகள் 50க்கும் மேலாக வள்ளலார் அருளியுள்ளார்கள்.
அவற்றில் சில குறிப்புகளை இக்கட்டுரைக்காக காண்போம். (விரிவாக ஏபிஜெ அருள் எழுதிய “ஆன்மா” என்ற புத்தகத்தில் காண்க)
# பிண்டத்தில் அகம் ஆன்மா.
# ஆன்மாக்கள் என்பது அணுக்கள்.
ஆன்மா சிற்றணு.
# ஆன்மாவின் இயற்கை குணம்
” தயை “.
# ஆன்மாவின் இயற்கை என்பதே
தர்மத்திற்குப் பொருள்.
# ஆன்மா இயற்கையோடு
இருந்தால் சிவமாகலாம்.
# அருள் வெளியாகிய “ஆன்மா”
இயற்கையால்
சிவானுபவத்தைப்
பெறுவது உண்மை.
இனி நல்ல விசாரம் செய்வோம். – ஏபிஜெ அருள்.
“ஆன்மா” என்றாலே நாம் தான். ஆம், நான் சிற்றணுவாகிய ஆன்ம வடிவினன். இந்த வடிவம் பிண்டத்தில் அகத்தில் உள்ளது.
ஆன்மாவுக்கு இடம்,பிரகாசம்,குணம்,
வண்ணம், மறைப்புகள் உண்டு.அவை;
இடம் : 
அருள் வெளி
பிரகாசம் : 
கோடி சூரியப் பிரகாசம் உடையது.
குணம்: 
தயை
வண்ணம் :
ஆன்மாவின் விளக்க ஸ்தானம் லலாடம் (நெற்றி) வண்ணம் கால் பங்கு பொன் முக்கால் பங்கு வெண்மை.
மறைப்பு:
மாயாசக்தியாகிய ஏழு திரைகள்.
அன்பர்களே,
ஆன்மா வியாபகமாகிய மனித தேகத்தில் கடவுள் காரியப்படுகிறார்.
அக் கடவுளை அறிவதற்கு ஆன்ம அறிவை கொண்டே அறிய வேண்டும் என்கிறார் வள்ளலார்.
உண்மை அறிதலே ஆன்ம அறிவு.
உண்மை அறிதல் என்பது அனுபவஞானம்.
அனுபவ ஞானம் என்பது எதையும் தானாக அறியும் ஆன்ம காட்சி.
‌ஆம், இந்த இடம் தான் சுத்த சன்மார்க்கம். நேரிடையாகவே ஆன்மாவில் இருந்து கடவுள் அருளால் அறிய வேண்டியவை அறிந்து அனுபவம் பெற்று பூரணசித்தி பெறுகின்ற வழியே சுத்த சன்மார்க்கம். ஆக, ஆண்டவரின் அருளை விரைந்து பெற ஆண்டவரை காண வேண்டும். ஆண்டவர் காரியப்பட்டுள்ள இடம் மனித தேகத்தில் ஆன்மாவே. ஆன்மா பிரகாசத்தின் உள் பிரகாசம் (உள்ளொளியே) கடவுள்.
‌ஆக, அருள் வெளியில் ஆன்மா காட்சியில் உள்ளொளியாக உள்ள பதியின் அருளை, அப்பதியின் அருளாலேயே பெறுகின்ற வழியே வள்ளலார் வழி.
‌இந்த வழியின் சாதனம் ஒன்றே ஒன்று. அது தயை என்னும் கருணை.
‌இந்த தயவின் விருத்திக்கு தடையாக சாதி சமய கட்டுப்பாடு ஆசாரங்கள் உள்ளது என்ற உண்மையை உணர்ந்து சொன்னார் வள்ளலார். இதுவே வள்ளலாரின் முடிவான முடிவாகிய சுத்த சன்மார்க்கம்.
‌ஆன்மாவை, ஆன்மப்பிரகாசத்தினுள் உள்ள “பிரகாசத்தை” (பதியை) மறைந்திருக்கும் திரைகளை நீக்குவதற்கு ஆண்டவரையிடத்திலேயே விண்ணப்பிக்க வேண்டும்.
எங்கும் பரிபூரணமாக நிறைந்திருக்கும் இறைவனை நம்முள் (ஆன்மாவினுள்) காணும் திருவருள் சம்மதத்தை நாம் ஒவ்வொருவரும் அடைதலே லட்சியம் கடமை.இதனால் நாம் பெறும் பயன் மரணமில்லா பெருவாழ்வு.
வணக்கம்.
அடுத்து, சாதனம், பயிற்சி குறித்து விசாரம் செய்வோம்.

நன்றி: ஏபிஜெ அருள்.

“சாதி” பற்றி வள்ளலார்.

நான் இந்த சாதி என்ற வாய் சழக்கை தவிர்க்க வேண்டும்.சாதி விட வேண்டும்.சாதி நீக்கிக் கொள்ள வேண்டும் என்கிறார் வள்ளலார். இங்ஙனம் சாதி,குலம், சமயம் மதம் தவிர்த்தவர் உள்ளத்திலே இறைவன் தன்னை வெளிப்படுத்தி அருள் பாலிக்கிறார் என்கிறார் வள்ளலார்.
தொழில் நியாயத்தை அனுசரித்து ஜாதிகள் ஏற்படுத்தப்பட்டது.ஆனால் ஒருவன் அத்தொழிலை தொடர்ந்து செய்யாவிட்டாலும் சாதி ஒட்டிக்கொண்டது. சமயங்களும் சாதியை நிலைநாட்டியது.இந்த அழுத்தமான சாதி பொதுநோக்கத்தை தராது.எல்லாரிடத்திலும் கருணைதராது.கருணை விருத்திக்கு தடையாக உள்ளது என்கிறார் வள்ளலார்.

“சாதி”விட்டொழிப்போம் சமரசம் காண்போம்.ஆண்டவன் அருள் பெறுவோம்.

அன்புடன் ஏபிஜெ அருள்.கருணை சபை.

இதோ வள்ளலாரின் பாடல்கள்.
####################
சாதியு மதமுஞ் சமயமும் பொய்யெனஆதியி லுணர்த்திய வருட்பெருஞ் ஜோதி
#####################
சாதிமதம் சமயமுதற் சங்கற்ப விகற்பம்எலாம் தவிர்ந்து போக
ஆதிநடம் புரிகின்றான் அருட்சோதி எனக்களித்தான் அந்தோ அந்தோ.
#######################
சாதியும் சமயமும் தவிர்த்தவர் உறவே தனிநட ராஜஎன் சற்குரு மணியே.
#######################
சாதியிலே மதங்களிலே சமயநெறி களிலேசாத்திரச்சந் தடிகளிலே கோத்திரச்சண் டையிலேஆதியிலே அபிமானித் தலைகின்ற உலகீர் அலைந்தலைந்து வீணேநீர் அழிதல்அழ கலவே
########################
சாதிகுலம் என்றும் சமயமதம் என்றுமுப நீதிஇயல் ஆச்சிரம நீட்டென்றும் – ஓதுகின்ற பேயாட்ட மெல்லாம் பிதிர்ந்தொழிந்த வேபிறர்தம்
வாயாட்டம் தீர்ந்தனவே மற்று.
#####################
சாதி ஆச்சிரமா சாரம்
சமயமதா சாரம்எனச் சண்டையிட்ட கலக வழக்குவெளுத் தது
#####################
சாதியும் மதமும் சமயமும் தவிர்த்தே
சத்தியச் சுத்தசன் மார்க்க
வீதியில் உமைத்தான் நிறுவுவல் உண்மை விளம்பினேன் வம்மினோ விரைந்தே.
#####################
சாதிமதந் தவிர்த்தவரே அணையவா ரீர்
தனித்தலைமைப் பெரும்பதியீர் அணையவா ரீர்
######################
இருட்சாதித் தத்துவங்கள் எல்லாம்போ யினவால்
எங்கணும்பே ரொளிமயமாய் இருந்தன
#######################
சாதி சமயச் சழக்கெலாம் அற்றது சன்மார்க்க ஞான சபைநிலை பெற்றது
######################
சாதி சமயச் சழக்கைவிட் டேன்அருட்சோதியைக் கண்டேன டி – அக்கச்சி
சோதியைக் கண்டேன டி.
########################
சாதிசம யங்களிலே வீதிபல வகுத்த சாத்திரக்குப் பைகள்எல்லாம் பாத்திரம்அன் றெனவே ஆதியில்என் உளத்திருந்தே அறிவித்த படியே
அன்பால்இன் றுண்மைநிலை அறிவிக்க அறிந்தேன்
ஓதிஉணர்ந் தோர்புகழும் சமரசசன் மார்க்கம்
உற்றேன்சிற் சபைகாணப் பெற்றேன்மெய்ப் பொருளாம்
சோதிநடத் தரசைஎன்றன் உயிர்க்குயிராம் பதியைச்
சுத்தசிவ நிறைவைஉள்ளே பெற்றுமகிழ்ந் தேனே.
######################